Juan Ricoy Alonso

Breve CV

Enxeñeiro de Minas pola Universidade de Vigo en xuño de 2003. Técnico superior en prevención de riscos laborais, nas especialidades de seguridade no traballo, hixiene industrial, e ergonomía e psicosocioloxía aplicada, pola Fundación Laboral da Construcción. Profesor asociado na Escola de Enxeñaría de Minas e Enerxía da Universidade de Vigo, ten impartido docencia universitaria no Departamento de Recursos Naturais e Medio Ambiente dende 2012. Ten dirixido 2 proxectos fin de carreira, e na actualidade está a dirixir outros 2. Membro da Comisión Delegada da Xunta de Escola para a elaboración da proposta de Máster vinculado á profesión regulada de Enxeñeiro de Minas, na EME da Universidade de Vigo, na calidade de representante do ámbito profesional. Como experiencia profesional destaca: Actualmente: Director Técnico na empresa Áridos do Mendo S.L. Empresa adicada á extracción e produción de áridos e fabricación de formigón. Explota un dos xacementos de áridos naturais máis importantes de Galicia, e destaca por ser a única empresa que extrae ouro actualmente nesta comunidade. Vocal na Xunta de Goberno do Colexio Oficial de Enxeñeiros de Minas do Noroeste de España, e representante do mesmo na provincia de Pontevedra. 2007. Xefe de Seguridade e saúde en Sacyr S.A.U. traballando na construción do tramo Carballiño – Lalín (O Irixo) do tren de alta velocidade. 2003 – 2007. Director Facultativo en Excongal S.L. Empresa adicada ó movemento de terras en obra civil e edificación, especializada en voaduras especiais e obras portuarias (diques, escolleiras, dragados …)